कोकाकोला कपमा आइतबार पाँच खेलहरु सम्पन्न

समाचारपाटी, पोखरा, १ साउन । पोखरामा जारी कोकाकोला कप अन्तर विद्यालय फुटबल प्रतियोगीतामा आइतबार ५ खेलहरु सम्पन्न भएका छन् ।

आइतबारको खेलमा न्यु इरालाई बहादुरे मावीले ट्राईब्रेकरमा ४–२, पोखरा पब्लिक स्कुलले न्यू लेखनाथ पब्लिकलाई २–१ ले, शिशु कल्याण स्कुलले शितलादेवी माविलाई २–०ले, म्यारी गोल्डमावीले कास्की मोर्डनाईज्डलाई २–१ले र गुड सेफर्डले कुमुदिनी होम्सलाई ट्राई ब्रेकरमा ६–५ गोल अन्तरले पराजीत गरेका छन् ।

प्रतियोगिता अन्तरगत सोमबारबाट छात्राहरुको खेल पनि सुरु हुने छन् ।

नेपाल सरकार युवा तथा खेलकुद विकास मन्त्रालयको समन्वयमा कास्की जिल्ला फुटबल संघको आयोजनामा प्रतियोगिता भएको हो । असार २७ गते देखी जारी प्रतियोगीता १३ दिनसम्म जारी रहने छ ।

प्रतियोगीतामा कास्कीका ६३ विद्यालय छात्रका ६३ तथा ६ छात्राको समुहले सहभागीता जनाएका छन् । विजेताले क्षेत्रिय, राष्ट्रिय र अन्तराष्ट्रिय प्रतियोगीता खेल्ने अवसर प्रदान गरिने छ ।

#अनुप पौडेलको सहयोगमा

तपाईं हामीसंग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा samacharpati@gmail.com मा पठाउनुहोला ।



प्रतिक्रिया लेख्नुहोस
सम्बन्धित