Home | About Us | Contact

पोखरा लेखनाथ महानगरपालिकाको मतगणना सक्न अझै २ हप्ता लाग्ने (हेर्नुहोस यस्तो छ कारण)

समाचारपाटी, पोखरा, ५ जेठ । देशकै ठूलो महानगर पोखरा लेखनाथ महानगरपालिकाको मत गणना गर्न अझै २ हप्ता लाग्ने प्रक्षेपण गरिएको छ ।

मत गणना सुरु गरिएको आज ५ दिन वित्दा जम्मा २५ प्रतिशत मात्र मत गणना सकिएको छ । यहि अनुपातमा गणना गर्ने हो भने अझै २ हप्ता लाग्ने अनुमान गरिएको छ ।

पोखरा लेखनाथ महानगरपालिकामा १ लाख २५ हजार ९ सय ३२ मत खसेको थियो तर शुक्रबार साँझसम्म ११ वडाको ३१ हजार ३ सय ७० मत गणना सम्पन्न भएको छ ।

यसैबीच क्षेत्रीय निर्वाचन कार्यलय पोखराका प्रमूख गंगालाल सुवेदीले एक हप्तामा मत गणना सकिने बताउनुभयो ।

११ वडामा मत गणना सकिदा नतिजा भने मिश्रित किसिमको आएको छ । अहिले सम्म ७ वडामा कांग्रेसले वडा अध्यक्ष जितेको छ भने ४ वडामा एमालेले जितेको छ । नतिजा अनुसार अधिकांश वडामा प्यानलनै विजयी भएका छन् ।

तपाईं हामीसंग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा samacharpati@gmail.com मा पठाउनुहोला ।

प्रतिक्रिया लेख्नुहोस
सम्बन्धित