कर्नालीमा करीब दुई लाख मतदाताहरु, डोल्पामा कम र कालीकोटमा धेरै

कर्नालीमा करीब दुई लाख मतदाताहरु, डोल्पामा कम र कालीकोटमा धेरै

कर्ण बहादुर रोकाया, हुम्ला, २२ चैत्र । कर्नालीमा स्थानीय तह चुनावका लागि करीब दुई लाख मतदाता रहेका छन् । जसमा सबभन्दा कम डोल्पा जिल्ला छ भने बढी कालीकोट जिल्ला रहेको छ ।

कर्नालीको डोल्पा जिल्लामा १६ हजार ७ सय ३, हुम्लामा २४ हजार ५ सय ६२, मुगुमा २७ हजार ४ सय ३५, जुम्लामा ५४ हजार ६ सय ७७ र कालीकोटमा ६१ हजार २८ मतदाताहरु रहेका छन् । यसरी पाँचै जिल्लाको कुल मतदाता संख्या १ लाख ८४ हजार ३ सय ९५ रहेको छ ।

कर्नालीको डोल्पा जिल्लामा पुरुष मतदाताभन्दा महिला मतदाताको संख्या धेरै छ भने अरु चार जिल्लामा पुरुष मतदाताहरु धेरै रहेका छन् ।
कर्नालीको चार जिल्लामा ७ नगरपालिका भए पनि हुम्ला जिल्लामा नगरपालिका रहेको छैन । यहाँ २९ गाउँपालिका र ७ नगरपालिका गरी ३६ स्थानीय तह रहेको छ । कर्नालीभरी कुनै पनि तेस्रो लिंगी मतदाता रहेका छैनन् ।

कर्नालीको ३६ स्थानीय तहमा २९ गाउँपालिकामा २ सय १२ वडा र ७ नगरपालिका ७८ गरी जम्मा २ सय ९० वडा रहेका छन् ।

About The Author

Contact Us On : +97761524812 | Newroad, Pokhara, Nepal.

Related posts

Leave a Reply


Your email address will not be published. Required fields are marked *